Trump e ka quajtur kryeministrin e Malit te Zi, Dusko Markoviç një ‘bushtër që vetëm ankohet’. Ish-asistenja e presidentit Donald Trump, Omarosa Manigault Newman e ka dhënë këtë njoftim përmes librit të saj të ri “Unhinged” që ka shkaktuar shumë debate në shtëpinë e bardhë. Presidenti amerikan dyshohet se ka bërë komentin fyes pas një videoje virale ku ai shfaqej duke shtyrë Markoviçin mënjanë gjatë samitit të NATO-s një vit më parë, akt që ka tërhequr kritika në rrjetet sociale.
“E pyeta presidentin: ” U shfaqët pak agresiv, pse e bëtë këtë? ” – shkruan Newman në librin e saj.
Trump m’u përgjigj: Ai është ‘një bushtër’ që vetëm ankohet.
Trump u kritikua edhe këtë vit kur e përshkroi Malin e Zi si një vend shumë të vogël me njerëz shumë të fortë, të cilët mund të nisin Luftën e Tretë Botërore.
Duke reaguar ndaj librit të Omasoras, Trump e cilësoi ish-asistenten e tij një “qen”, e cila ishte shkarkuar shpejt nga detyra.
