Kryeministri Edi Rama thotë se shtyrja e hapjes së kampit për të pritur emigrantët në Gjadër, që ishte parashikuar me 20 maj, është një çështje që i përket shtetit italian.
I pyetur nga gazetari i “La Republica” Gerardo Greco, kreu i qeverisë shqiptare tha se “Shqipëria ofroi disponueshmëri dhe tokë, por asgjë më shumë”.
Kryeministri thekson se problem do të jetë funksionimi i tij, pasi do të jetë shumë e vështirë për procedurat dhe menaxhimin e 3 mijë personave në 28 ditë me burokracitë italiane dhe rregullat evropiane.
“Qendra do të jetë gati për disa muaj gjithsesi, kjo nuk është asgjë! Por problemi do të jetë funksionimi i tij! Dhe do të jetë shumë e vështirë për procedurat: si do të menaxhoni 3000 persona në 28 ditë me burokracitë italiane dhe rregullat evropiane?”, shtoi Rama.
Sipas marrëveshjes mes qeverisë shqiptare dhe asaj italiane, emigrantët do të qëndrojnë në kampin e Gjadrit gjatë periudhës që kryhen procedurat për azil në Itali./
