Banorët e zonës “5 maji”, Paskuqanit dhe Laprakës në Tiranë janë mbledhur në një protestë mëngjesin e kësaj të enjte tek Parlamenti përpara nisjes së seancës plenare.
Ata preken nga projektet e rindërtimit dhe nga “Unaza e Madhe”, për të cilat pritet t’u prishen banesat.
Kjo është protesta e katërt përpara parlamentit ku ata kërkojnë drejtësi nga qeveria shqiptare.
Merr masa sepse do të jetë vonë kur të kujtohesh ti. Ne do ti vazhdojmë protestat. Duhet përgjigje se ku dhe kur do të strehohemi dhe ku do ti marrim ndërtesat tona. Nuk nxirren banorët në rrugë, për të ndërtuar kulla.’- u shpreh një banor.
Më herët, disa përfaqësues të banorëve të “5 Majit” janë takuar me kryeministrin Edi Rama.
Gjatë bisedimeve, Rama deklaroi se do të shihet një mënyrë për riskematizuar shpërndarjen e lejeve. Por kjo nuk ka mjaftuar për banorët, ku përfaqësueset janë shprehur të pakënaqura. Ato thonë se premtimet dhe fjalët i merr era.
