Shqiptarët në botë çdo ditë e më shumë po bëhen protagonistë dhe po afirmohen në skenat ndërkombëtare falë punës dhe talentit të tyre. I tillë është edhe rasti i regjisorit dhe aktorit shqiptar në Zvicër John A. Mati, i cili që nga nisja e karrierës në vitin 2012 ka realizuar 2 filma me metrazh të shkurtër dhe 3 me metrazh të gjatë duke përdorur vetëm telefonin.
Filmi i tij më i fundit ‘pa buxhet’ dhe që ka korrur mjaft sukses është ‘Reaction Killers’, ku marrin pjesë edhe aktorë të tjerë shqiptarë. Filmi bën fjalë për një histori shqiptare ku vihet në pah tradita, kultura dhe fjala e shqiptarit.Filmi është pritur shumë mirë nga publiku duke marrë miliona klikime në Youtube. John A.Mati konsiderohet si i pari shqiptar që realizon filma ‘pa buxhet’, duke bërë regjisorin, aktorin dhe kameramanin vetë.