Kryeministri Edi Rama ka mbajtur fjalën e tij në podkastin e sotëm ku ka folur edhe për protestat në Shqipëri.
Ndonëse shqiptarët protestojnë prej 14 ditësh dhe kërkojnë largimin e tij, duke iu bashkuar edhe Diaspora kësaj revolta, kryeministri ka një tjetër hall, atë të bullizmit.
Ndërsa i quan protestuesit edhe fashistë.
“Anulimet e rezervimeve për sezonin nga protestat. Edhe në Vlorë e në Durrës ka pasur protesta, në Vlorë kanë qe në 95 % e atyre që kanë pasur hotele bare restorante. Duke kërkuar mirëkuptim që sezoni të mos dëmtohet. Është një dëmtim për ekonominë lokale. Nëse ka agjendë protesta për të penguar Shqipërinë nga të katër anët, dhe për të thënë njerëzit hajde të heqim këtë qeveri. Kjo është një agjendë jo e re dhe është përdorur edhe nga molotovarët, por nuk ka për të funksionuar dhe dëmi do të jetë shumë i madh.
Një tjetër shqetësim është edhe bullizmi në facebook. Kam parë se si një këngëtar si Ylli Limani, e kanë masakruar me sharje e kërcënime për të anuluar koncertin sepse njerëzit do të fokusohen me protesta. Dhe kjo po ndodh me shumë njerëz që kanë një opinion tjetër. Ka një komponte fashiste, një frymë fashiste dhe fryma fashiste nuk ka nevojë për uniforma e armë…”, tha ai.
