Perpara tre viteve per shkak te pasionit tim per bilardon kembet me cuan tek nje ambient bilardoje tek kompleksi Halili, prone e Federates perkatese. Sapo u ambientova dhe e mora veten nga “hutimi” prej nivelit te larte te lojtareve ne te 6 tavolinat, syte me mbeten tek nje djale i ri, adoleshent 15 vjecar, i cili luante me nje pjekuri veterani.
Eshte talent- me tha dikush. Ska fare nevoje te ma thuash sepse eshte nje gje qe dallohet lehte ia ktheva. Ky djalosh i talentuar ishte Klenti Kaci nga Laci. Qe ne castet e para te kontaktit me te me krijoi bindjen se perfeksioni ishte komponent i pandashem i tij. Dhe shpesh pyesja veten: cfare mund te beje nje lojtar i nivelit boteror me shume se sa ky?
Talentin e kishte me tepri, vullnetin per stervitje po e po. Mbi 5 apo 6 ore i kalonte ne sallen i bilardos, duke u projektuar keshtu si lojtar nderkombetar e nje te ardhmjeje te afer. Dhe duke qene se sporti i tij eshte nje sport i pambeshtetje dhe pa perkrahje, kuptohet qe suksesi do te farketohej nga keto perpjekje e sakrifica individuale.
Sot, pas tre vitesh, ne nje klasifikim te bere nga Federata Nderkombetare e Bilardos Kaci renditet ne vendin e 8 ne bote me rreth 62 mije dollare te fituara. Cv e tij profesionale tashme eshte pasuruar me disa trofe te rendesishem te fituar si ne USA Open, Longoni. Per Kacin arritja ne gjysemfinale apo finale te turneve me te rendesishem nderkombetare te bilardos eshte bere nje ngjarje mese e zakonshme.
18 vjecari Klenti Kaci eshte tashme nje histori suksesi individual, nje model qe transmeton te te rinjte e bashkemoshataret e tij mesazhin se talenti e puna sigurojne suksesin e qendrueshem. Por fakeqesisht media ne teresi e ajo sportive ne vecanti kane pak ose aspak hapesire per kete lloj suksesi.
