Shpërthimi i djeshëm në Bejrut ishte një ngjarje tronditëse jo vetëm për Libanin, por për gjithë botën që u shokua nga pamjet, pasi deri më tani raportohen më shumë se 100 viktima dhe 4000 të plagosur.
Fabrika e fishekzjarreve me 2700 ton nitrat amoni, që shërben për prodhimin e tritolit artizanal, shpërtheu dhe ktheu në shkretëtirë gjithë zonën përreth. Gazetari i Sky News tha nga vendngjarja se nuk mbeti asnjë xham i pathyer.
Ndërkohë, BBC ka publikuar pamjet gjatë një interviste online mes gazetares arabe dhe Faisal Al-Aseel, një menaxhues projektesh në Agjencinë Marokene të Energjisë së Rinovueshme.
Nga vala e amdhe e shpërthimit gazetarja u përplas në tokë dhe mbeti e plagosur në kokë, ndërkohë që në kamera shihen copa xhami të thyer.
Ajo rënkon nga dhimbja teksa Al-Aseel bashkë me gruan e tij mbeten të shokuar.