Mëngjesin e sotëm ka ndodhur një shpërthim i fuqishëm në mes të Beogradit.
Sipas informacioneve nga mediat serbe, shpërthimi ka ndodhur pranë zyrave të Radio Televizionit të Serbisë.
Si pasojë e shpërthimit ka humbur jetën një person dhe janë plagosur dy të tjerë.
Mendohet se disa punonjës po rregullonin një defekt në sistemin e ajrimit në zyrat e RTS dhe në momentin e ngjarjes do të transportonin bombolat e oksigjenit, të cilat mund të kenë shpërthyer.
Disa ndërtesa dhe makinat e parkuara kanë pësuar dëme të mëdha materiale nga shpërthimi.