Shpërthimi i një automjeti në lagjen “Perash” të qytetit të Shkodrës ka tronditur banorët në orët e para të mëngjesit të sotëm.
Dyshohet se shpërthimi ka ndodhur si pasojë e një sasie lëndë eksplozive që i është vendosur mjetit. Fatmirësisht nga shpërthimi nuk ka persona të lënduar, por vetëm dëme materiale.
Sakaq, policia e mbërritur në vendngjarje po punon për zbardhjet e plotë të rrethanave dhe kapjen e autorëve.
Informacion Paraprak
Më datë 25.03.2018, në orët e para të mëngjesit në lagjen “Perash” Shkodër, është dëmtuar me lëndë plasëse mjeti tip Benz me targa AA655MK, në pjesën e prapme të mjetit, në pronësi të shtetasit A. L., 40 vjeç banues në lagjen Perash, të cilën e ka patur të parkuar në rrugë.
Grupi hetimor vijon veprimet për sqarimin e plotë të rrethanave kësaj ngjarje, identifikimin dhe kapjen e autorit/eve.
