Analisti Mustafa Nano thotë se nuk do çuditej nëse Donald Lu do t’i kishte kërkuar vërtet ish kryeprokurorit Adriatik Llalla arrestimin e Ilir Metës.
Nano tha në emisionin “Opinion” se ka kohë që në Shqipëri qarkullojnë lista me emrat e atyre që do arrestohen, dhe në këto lista emri i Ilir Metës rezulton në krye.
Sipas Nanos, nuk ka asnjë arsye për të veçuar Metën, pasi të gjithë janë njësoj.
“Këtu ka kohë që janë bërë listat kush do arrestohet, e kam fjalën që qarkullojnë.
Dhe në të gjitha listat Ilir Meta rezulton i pari, kjo është një legjendë urbane.
Fakti që veçohet Meta, kjo nuk është ferr, nuk ka asnjë arsye për të veçuar Metën, këtu për mua të gjithë janë njësoj.
Por nuk do çuditesha po të jetë e vërtetë”, deklaron Nano.
