Një 45- vjeçar është arrestuar në Durrës pasi u kap me 12 doza heroine.
G.T, shpërndante heroinë në qytetin bregdetar teksa u pikas nga Policia dhe madje tentoi edhe t’i largohej efektivëve.
Atij përveç dozave të heroinës iu gjetën dhe 3 aparate celular si dhe një sasi parash të përfituara nga shitja e drogës.
NJOFTIMI NGA POLICIA
Durrës
Goditet një tjetër rast i shpërndarjes së drogave të forta në doza të vogla.
Bie në pranga 45-vjeçari që posedonte dhe shpërndante lëndën narkotike.
Sekuestrohen 12 doza me lëndë narkotike heroinë, 3 aparate celular dhe para të përfituara nga shitja e lëndës narkotike.
Në vijim të punës për goditjen e veprimtarisë kriminale të shpërndarjes së drogave të forta, si dhe kontrolleve të shtuara për rritjen e parametrave të sigurisë, shërbimet e Patrullës së Përgjithshme në Komisariatin e Policisë Durrës kanë ndaluar për kontroll në lagjen nr. 8, Durrës, shtetasin G. T., i cili në momentin që konstatoi Policinë tentoi të largohej, por u kap dhe u shoqërua në Komisariatin e Policisë Durrës.
Në vijim të veprimeve nga specialistët e Seksionit për Hetimin e Narkotikëve në DVP Durrës u arrestua në flagrancë shtetasi G. T., 45 vjeç, banues në Durrës.
Gjatë kontrollit fizik, këtij shtetasi iu gjetën dhe u sekuestruan në cilësinë e provës materiale 12 doza me lëndë narkotike të dyshuar heroinë, një sasi parash të përfituara nga shitja e lëndës narkotike dhe 3 aparate celularë.
Materialet i kaluan Prokurorisë së Rrethit Durrës, për veprën penale “Prodhimi dhe shitja e narkotikëve”.
