Presidenti i vendit Ilir Meta ka reaguar në lidhje me protestën e mbajtur këtë të enjte në Tiranë në lidhje me tragjedinë e Potamit në Himarë, ku 7-vjeçarja Jonada Avdia u shtyp për vdekje nga një skaf që drejtohej nga komisari i policisë Arjan Tase.
Teksa ka shpërndarë disa foto nga protesta, Meta i bën thirrje qeverisë të dëgjojë zërin e popullit të lirë.
“Dëgjoni zërin e popullit të lirë!
Frymëzuese protesta e sotme qytetare e shoqërisë civile.
Ky vërshim që sapo ka nisur do të kthehet në një ortek dhe do të ketë vetëm një fund: Triumfin e Sovranit mbi hajdutokracinë!”, shkruan Meta në facebook.