Qeveria e Spanjës ka njoftuar zgjedhje të parakohshme, ku ka vendosur datën 21 dhjetor si ditën për tu mbarëvajtur.
Tensionet/ Katalonja shpalli pavarsinë, Spanja miraton kontroll të drejtpërdrejtë
Kriza e thellë në Spanjë hyn në territore të paeksploruara.
Pas njoftimi të rezultatit të votimit, deputetët kënduan himnin kombëtar “Els Segadors”, i ndekur më pas nga thirrjet “Rroftë Republika” apo “Liri”. Flamuri spanjoll u hoq nga Parlamenti dhe mijëra njerëz shpërthyen në festë nëpër rrugët e Barcelonës.
Pak minuta pas votimit në Parlamentin rajonal, Senati spanjoll ndërmori hapin e paprecedentë të aprovimit të masave, që do të lejojnë qeverinë e Madridit të marrë kontrollin e Katalonjës: 214 u shprehën pro dhe 47 kundër.
Shpalljen e Pavarësisë së Katalonjës, kryeministri Mariano Rajoy e cilësoi një akt kriminal e të kundërligjshëm. Ai ftoi spanjollët të ruajnë qetësinë.
“Qeveria do të marrë të gjitha masat për të rikthyer ligjshmërinë në Katalonjë. Spanja është një komb i madh dhe një shtet serioz. Ne nuk do të tolerojmë që pak njerëz të përpiqen të likuidojnë Kushtetutën tonë”, tha Mariano Rajoy, shkruan N.Y.Times.
Menjëherë më pas, Rajoy mblodhi Këshillin e Ministrave për të diskutuar mbi shkarkimin e presidentit katalanas, Carles Puigdemont e të ministrave të tij, si dhe rikthimin e rendit kushtetues në rajon.
Më herët gjatë së premtes, kryeministri u kërkoi senatorëve të aprovonin aktivizimin e nenit 155, që parashikon vendosjen e sundimit direkt në Katalonjë e marrjen e kontrollit të policisë, financave e televizionit publik. Një zëdhënës i Komisionit Europian tha në një reagim se qëndrimi i tyre mbetet i njëjtë, kundër shkëputjes së Katalonjës. Kundër doli edhe Britania e Madhe, që ka një problem të ngjashëm me Skocinë.
Çdo të ndodhë me Katalonjën? Pas Gjermanisë një tjetër shtet i fuqishëm nuk njeh pavarësinë
Britania nuk do ta njoh vendimin e parlamentit katalunas, për shpalljen e pavarësisë nga Spanja.Zëdhënësi i kryeministres Theresa May ka thënë që kjo deklaratë është e bazuar në një votim i cili ishte shpallur ilegal.
Ai ka shtuar që Britania dëshiron të shoh ruajtjen e unitetit të Spanjës, shkruan The independent.
Parlamenti i Katalonisë ka votuar pro deklaratës së pavarësisë nga Spanja, përderisa parlamenti spanjoll ka aprovuar shtrirjen e sundimit direkt në këtë regjion.
Katalonja shpalli pavarsinë, kjo fuqi botërore nuk do ta njohë si shtet
Gjermania nuk do të njohë pavarësinë e Katalonjës. Sipas Seibert, Berlini po përcjell me shqetësim eskalimin e situatës në Spanjë Gjermania mbështet qeverinë spanjolle dhe nuk do ta njohë pavarësinë, të cilën sot pasdite e shpalli parlamenti katalonas, deklaroi zëdhënësi i qeverisë gjermane, Steffen Seibert.
Sipas tij, Berlini po përcjell me shqetësim eskalimin e situatës në Spanjë, duke përmendur se shpallja e njëanshme e pavarësisë “shkel parimet e sovranitetit dhe integritetit territorial të Spanjës”, transmeton Reuters.
Parlamenti në Katalonia voton pro shpalljes së pavarësisë nga Spanja
Sipas “dw”, sytë kthehen tani nga Senati spanjoll, i cili po diskuton propozimin e qeverisë për kontrollin ndaj Katalonias.
Anëtarët e opozitës bojkotuan votimin, teksa mocioni mori udhë me 70 vota pro, 10 kundër dhe 2 abstenim.
Kryeministri Rajoy u shpreh: ‘sundimi i ligjit do rivendoset në Katalonia’.
Kriza filloi kur katalanasit mbështetën pavarësinë nga Spanja në një referendum që u quajt i paligjshëm disa javë më parë.
