Kryedemokrati Lulzim Basha e sheh si një fitore personale procesin e votimit.
Ai thotë se 85% e shqiptarëve nuk zgjodhën kryeministrin Edi Rama por opozitën e vendit.
Kryedemokrati Lulzim Basha ka dalë para mediave rreth 2 orë pas mbylljes së votimit të cilin e quajti një parodi tragjike. Ai theksoi se sot shqiptarët braktisën në masë maskaradën e votimit njëpartial.
“Të dashur bashkëqytetarë, sot shqiptarët braktisën në masë maskaradën e votimit një partiak të Edi Ramës. 85% e votuesve refuzuan votimet moniste. Edi Ramën e bojkotuan sot edhe socialistët. Votimi i sotëm njëpartiak dhe nën kontroll të plotë njëpartiak ishte një ngjarje që nuk ndodhte askund në Europë. Organizata Rilindja votonte vetë, numëronte, vetë certifikonte vetë. Kjo është një parodi tragjike. Më tragjik është fakti që edhe pse votimet ishin si të ishin një votim i brendshëm në PS ato u karakterizuan nga manipulime masive”, deklaroi Basha.