Një video shokuese vjen nga Florida e Shteteve të Bashkuara të Amerikës, ku shihet një i mitur duek u prangosur nga policia.
Pamjet janë regjistruar në vitin 2018 por janë publikuar për herë të parë këtë të hënë.
Në video shihen oficerët e policisë të cilët prangosin një djalë 8 vjeçar, brenda shkollës.
Gjatë këtij akti, i mituri nis e qan teksa efektivët i thonë se do të shkojë në burg, shkruan Daily Mail.
Ngjarja është filmuar nga kamera e trupit e një polici ndërsa bëhet fjalë të ketë ndodhur më 14 dhjetor 2018.
Ajo çfarë e bën akoma më zemëruese ngjarjen, është se i mituri mendohet të jetë me aftësi ndryshe, por që efektivët me sa duket nuk e kanë marrë parasysh.
Këta të fundit kishin mbërritur në një shkollë ku fëmija raportohet të ketë goditur një mësues. Pamjet janë publikuar nga një avokat këtë të hënë, ndërsa emri i fëmijës nuk bëhet i ditur për shkak të moshës.
Edhe pse incidenti ndodhi dy vjet më parë, ajo ka ngjallur zemërim këtë javë pasi një avokat ndau videon e arrestimit të hënën.
