Një ngjarje e rëndë ka ndodhur në fshatin Grabjan të Divjakës. Një banor ka denoncuar dhunën e ushtruar nga nipi ndaj gjyshes. Djali i të moshuarës ka thënë se kishte shkuar deri në qytetin e Fierit për të pritur djalin që i vinte nga Greqia.
Pasi është kthyer e ka gjetur nënën e tij të zhveshur dhe të dhunuar.
Sipas informacioneve për Fax Web, e moshuara i kishte thënë se ishte përdhunuar nga nipi me inicialet S.M., në gjendje të dehur, i cili u arrestua ditën e sotme në Lushnjë.
“Më bëri si do vetë. E lashë të më torturojë”, tha e moshuara.
Djali i të moshuarës ka rrëfyer se si e gjeti të moshuarën pasi erdhi në shtëpi.
“Vajtëm për të marrë çunin në Fier me një taksi se vinte nga Greqia. Kur erdhëm këtu pashë plakën të vrarë me gjak.
Unë e kapja kshu nga supet, ky e kishte zhveshur dhe e kishte rrahur. Kur e pyeta nënën më tha që e kishte përdhunuar. Djali ishte i dehur. Të nesërmen vajta te Kozmai dhe ai më tha të shkoja ta denoncoja”, thotë djali i të dhunuarës.
