Një ngjarje e tmerrshme është regjistruar në Oregon, SHBA. Mediat e huaja shkruajnë se një djalë 3-vjeçar ka qëlluar veten me armën e të atit.
James Kenneth Lindquester ishte duke luajtur në dhomën e gjumit të prindërve të tij, kur gjeti armën në sirtar. Arma ishte e mbushur dhe nuk ishte e siguruar.
Fëmija tërhoqi këmbëzën, duke e qëlluar veten në kokë. Prindërit të alarmuar thirrën menjëherë ambulancë. Fatkeqësisht ishte shumë vonë, pasi vogëlushi ndërroi jetë pak pas ngjarjes së rëndë.
