Një ish-menaxhere bari në Dhomën e Parlamentit të Britanisë së Madhe pretendon se mbi 30 deputetë kanë kërkuar nga ajo seks.
Madje, njëri prej tyre e ka ngacmuar atë edhe në autobus.
Alice Bailey, 25 vjeçe, punoi të paktën katër vjet të ‘Sport and Social Bar’ i Parlamentit, ku ajo pretendon se shumë deputetë silleshin si “pleq perversë të pështirë”.
Bailey, e cila nisi të punonte në bar që kur ishte 19 vjeçe, pretendon se ministrat e trysnonin vazhdimisht për seks.
“Ata provuan shanset sepse unë isha vetëm një bariste e re dhe mendja u thoshte se ata ishin njerëz shumë të rëndësishëm, për të cilët ata mendonin se unë do të isha e gatshme”, tha ajo për “The Sun”.
“Ishin të pështirë. Ishte situatë patetike sepse ishin thuajse të gjithë të martuar dhe kishin të paktën dyfishin e moshës time”, vijon vajza.
Ajo thotë se një deputet ju lut për seks vetëm dy orë pasi ajo ishte shfaqur për herë të parë në bar dhe se një deputet veteran i laburistëve e ndoqi atë deri në shtëpi dhe e ngacmoi në autobus pasi kishte pirrë 12 shishe birra.
Ajo gjithashtu tha se deputetët i puthnin shpesh ndihmëset e tyre nëpër korridoret e parlamentit pas pijeve të gjata në bar.
