Policia e Shtetit të Ternit ekzekutoi me shpejtësi riatdhesimin nëpërmjet dëbimit me vendim Gjykate që një 21-vjeçari shqiptar të arrestuar pak ditë më parë nga efektivët gjatë një operacioni ku u rrezikua edhe aksidenti rrugor.
Pas seancës dëgjimore për të vërtetuar arrestimin, Shtabi i Policisë nisi menjëherë procedurën e dëbimit. Prokurori dhe gjyqtari ranë dakord me vendimin për dëbim të shpejtë të të riut që kishte shkuar si turist në Itali, por u përfshi në rrjetin e shpërndarjes së kokainës.
Një patrullë e Policisë së Shtetit e shoqëroi 21-vjeçarin deri në shkallët e aeroplanit që fluturonte drejt Tiranës, në Shqipëri, në kushte sigurie maksimale, që të mos kthehej më pas.Gjatë natës midis të premtes, 22 gusht dhe të shtunës, 23 gusht, Karabinierët e stacionit të Ternit arrestuan një 21-vjeçar shqiptar, në Itali me vizë turistike dhe pa precedentë.
Gjatë një patrullimi, ndërsa po udhëtonte përgjatë Via Borsi, një makinë patrullimi e Karabinierëve shmangu për pak një përplasje me një automjet, që më vonë u zbulua se ishte një makinë me qira që e drejtonte shqiptari, që po vinte nga ‘Viale Cesare Battisti’.
Pas ndalimit të mjetit, efektivët gjetën 28 doza kokainë, me një peshë totale prej afërsisht 18 gramësh dhe valutë në vlerën 1 mijë euro.
Pasi u mbajt në qelitë e burgut Vocabolo Sabbione, në rajonin e Umbrias, u vendos dëbimi i menjëhershëm i tij.
