Një version i ri i të ashtuquajturit Hormon i dashurisë, Oksitocina është krijuar nga shkencëtarët me shpresën së mund të përdoret për të trajtuar probleme të tilla si ankthi, stresi dhe skizofrenia. Molekulat e Oksitocinës kryejnë të gjitha llojet e funksioneve në trupin e njeriut. Ata lidhen me receptorët në tru, duke vepruar pozitivisht në ndërveprimet sociale, duke ulur nivelet e stresit dhe ankthit. Hormoni gjithashtu mban gjendjet nervore nën kontroll.
“Dobësia ndaj Oksitocinës është se aktivizon një numër receptorësh, disa prej të cilave mund të çojnë në efekte anësore të padëshiruara”, u shpreh Markus Muttenthaler, mjek dhe pedagog në Universitetin e Queensland, i cili udhëhoqi studimin. Hormoni është sugjeruar si trajtim për probleme të ndryshme duke përfshirë ankthin, depresionin, varësinë, anoreksinë dhe skizofreninë.
