Gjykata e Durrësit ka vendosur masën “arrest me burg” pa afat për Olesia Dukën. Stomatologia akuzohet se ka mashtruar disa biznesmenë duke u marrë 2 mln euro. Vetëm Idlir Hoxhës, stomatologia i kishte marrë 900 mijë euro. Por, para gjykatës Duka ka deklaruar se paratë do i kthejë pasi janë brenda bashkëpunimit tregtar e jo mashtrim.
Olesia Duka e pranishme në seancën gjyqësore mohoi akuzat për mashtrim, ndërsa deklaroi se nëse do të donte mund të siguronte edhe 9 mln euro dhe jo 900 mijë euro. “Dua të hetohem në gjendje të lirë dhe të vërtetoj që nuk jam mashtruese. Jo 900 mijë euro, por 9 milionë euro unë mund t’i gjej dhe t’i rregulloj punët” deklaroi ajo.
Gjithashtu ajo ka pretenduar se disponon një OJF ‘Buzëqeshja e Lumtur’ dhe se ndihmonte fëmijët e policëve të vrarë dhe atyre me probleme. Pala mbrojtëse kërkoi që të kishte një masë më të lehtë duke e liruar nga burgu për t’u hetuar në gjendje të lirë. “Kërkojmë që të hetohet në gjendje të lirë, nuk largohet dhe nuk prish hetimin” tha avokati. Por kërkesa është rrëzuar.
Në seancën gjyqësore të dites së sotme, Olesia shfaq shumë ndryshe nga sa ishim mesuar ta shihnim në fotot plot sharm e me fytyrë ëngjëllore, gjithnjë e buzëqeshur.
Edhe pse u përlot disa herë, edhe pse në seancë dentistja seksi sërish u shfaq me veshje të kushtueshme siç ishte edhe xhupi “Moncler” që mbante veshur.
Pa grim, e me lot në sy, duket se Olesia do e ketë shumë të veshtirë përballjen me akuzat që i rëndojnë.
/AlpeNews.al/
