Në Ditën Ndërkombëtare Kundër Korrupsionit, ostpol.de, Revista e Evropës Lindore, ka pyetur 17 gazetarë hulumtues që të prezantojnë oligarkët, magnatët apo manjatët që po formojnë fatin e vendeve të tyre nga prapaskena.
Në mesin e 17 oligarkëve të Europës Juglindore janë Shkëlqim Fusha (i pari në listën e uebfaqes) nga Shqipëria, i cili ka një kompani ndërtimi, dhe Blerim Devolli (i teti në listë), pronar i “Devolli Group”.
Në përshkrimin e uebfaqes për biznesmenin Shkëlqim Fushën, në mes tjerash thuhet:
“Shkëlqim Fusha ka një profil të ulët politik. Ai zotëron “Fusha SH.P.K”, një kompani ndërtimi. Kur Erion Veliaj u bë Kryebashkiaku i Tiranës në vitin 2015, kompania Fusha filloi të fitonte gjithnjë e më shumë tenderë publik, në thelb pa asnjë konkurs…”
Për më shumë informacion mund të ndiqni linkun në “Fusha SH.P.K”
Kurse për Blerim Devollin, uebfaqja shkruan:
“Blerim Devolli është vetëm 45 vjeç, por ai lirshëm mund të përshkruhet si oligark i politikës së Kosovës. Ai u lind në Pejë, një qytet kufitar i Kosovës dhe zotëron kompaninë “Devolli Group” që filloi në vitin 1990 si një biznes i vogël.
Të tjerët oligarkë në listë janë edhe:
- Gagik Tsarukyan, Anëtar i Parlamentit në Asamblenë Kombëtare të Armenisë
- Anar Mammadov, djali i ish-Ministrit të Transportit në Azerbajxhan
- Nijaz Hastor, punëdhënësi më i madh privat në Bosnje dhe Hercegovinë
- Delyan Peevski, deputet në Parlamentin e Bullgarisë
- Bidzina Ivainshvili, miliarderi gjeorgjian
- Lorinc Meszaros, mik i kryeministrit hungarez Viktor Orban,
- Aivars Lembergs i grupit “tri A” në Latvi
- Jordan Kamchev, njeriu më i pasur në Maqedoni
- Vladimir Plahotniuc, i Partisë Demokratike në Moldovë,
- Milo Dukanoviç, ish-Kryeministri dhe Presidenti i Malit të Zi
- Dan Voiculescu i Rumanisë
- Alisher Usmanov, njeriu i pestë më i pasur në Rusi
- Miroslav Miskoviç, miliarder serb dhe pronar i Kompanisë “Delta”
- Bojan Petan, ish-drejtor i agjencisë së inteligjencës sllovene
- Rinat Akhmetov, njeriu më i pasur në Ukrainë.
