SPAK ka nisur verifikim pasuror për Rakip Sulin dhe Jorgo Goron.
Bëhet me dije nga burimet e gazetares së Top Channel Anila Hoxhës, se po kryehen verifikime pasurore mbasi është regjistruar procedim penal për dyshimet e shkeljes së barazisë në tendera.
Rakip Suli ishte edhe pak ditë më parë në SPAK ku pas dëshmisë në Prokuroria tha se drejtësia duhet të lihet të bëjë punën e saj. Hetimet në bashkinë e Kamzës po kryhen për shpërdorim detyre dhe shkelje të barazisë në tendera për dy episode, shkelje e barazisë në tendera për pastrimin dhe fondet e tërmetit.
Gjithashtu hetime po kryhen dhe tre bashki të tjera, të Vlorës, Rrogozhinës dhe Himarës. I Rrogozhinës ka dhe një akuzë tjetër për korrupsion në zgjedhje, ndërsa Jorgo Goro i Himarës është kallëzuar nga kryetari i votuar i të njëjtës bashki, Fredi Beleri, i cili gjendet në burg për zgjedhjet lokale.
