Xhandarët francezë prangosën të hënën në Dordogne, një grup të dyshuar se kishin grabitur dhjetëra shtëpi.
Të gjashtë personat e arrestuar dyshohen për vjedhjen e stolive prej 423,000 euro në rajonet e Bordos dhe Toulouse.
Burimet e xhandarmërisë franceze, të cilat ju referohen mediat vendase, saktësojnë se pesë burra dhe një grua me origjinë shqiptare, të moshës 30 deri 40 vjeç, u arrestua të hënën në Bergerac (Dordogne), nga policia nga strukturat kundër kriminalitetit (OCLDI), mbështetur nga homologët e tyre të seksionit të kërkimit të Bordeaux (Gironde).
Këta anëtarë të klanit besohet të ketë vepruar në periudhën midis nëntorit 2017 dhe tetorit 2018, ku kanë kryer 98 vjedhje në rajone të Bordeaux dhe Toulouse. Gjatë arrestimeve atyre ju gjetën mbi dy kilogram ari.
Këta profesionistë të vjedhjes shfrytëzonin kryesisht zonat e Jugut për të shënjestruar shtëpitë që vidhnin. Ata shfrytëzuan mungesën e pronarëve.
Të gjashtë të dyshuarit, të gjithë të njohur tashmë për policinë për të njëjtat fakte, u vendosën në paraburgim në xhandarmërinë e Bergeracit. Xhandarmëria ka shenjat e gishtave të ADN-së dhe i ka monitoruar ata disa orë para se të ndërmerrnin veprimet. Hetimet janë ende në zhvillim e sipër. Ata do të dalin të enjten ose të premten para një gjyqtari të juridiksionit ndërajonal të specializuar të Bordos.