SHKARKIMI I PRESIDENTIT/ Komisioni Hetimor për Metën “nuk humb kohë”, dy pikat që priten të miratohen sot

Komisioni Hetimor që po heton shkeljet e pretenduara nga presidenti Ilir Meta do të mblidhet sot në orën 12:00. Në këtë mbledhje do të miratohet Plani Hetimor në lidhje me shkeljet që mund të ketë bërë Presidenti Meta dhe pika tjetër është Procesverbali i Punës që do të zhvillohet në vijim.

Komision i Hetimit për Metën posedon përgjigjet e ardhura nga Komisioni Qendror i Zgjedhjeve, Kolegji Zgjedhor dhe Qendra e Publikimeve Zyrtare. Ndërkohë, ditën e sotme, në Komisionet e tjera, do të shqyrtohen edhe disa nga projekt-ligjet që janë kthyer nga kreu i shtetit.

Bëhet e ditur se Komisioni, ka hartuar një listë me ata të cilët do të dëshmojnë, listë e cila mbahet top-sekret. Po për këtë çështje në Tiranë më 6 shtator do të mbërrijë një delegacion i Komisionit të Veneciasnë një mision faktmbledhës. Ky komision do ta ketë të lehtë të japë një opinion të shpejtë, pasi nuk mungon precedenti. Komisioni Venecias për një çështje të ngjashme disa kohë më parë kur Qeveria Moldave pati një përplasje me presidentit e vendit u shpreh me opinion i cili vlejti për të shkarkuar presidentin e Moldavisë për shkelje kushtetuese.

Kuvendi ngriti Komisionin Hetimor për shkarkimin e Presidentit të Republikës më 8 korrik, duke i lënë afat deri në 8 Tetor të vlerësojë nëse Ilir Meta e ka shkelur apo jo Kushtetutën. Komisioni drejtohet nga Ulsi Manja i cili është edhe kryetar i Komisionit të Ligjeve. Komisioni ka nëntë anëtarë, 5 nga mazhoranca dhe 4 nga opozita të cilët do të vendosin për shkeljet e Metës.

6 / 6

1 / 6

2 / 6

3 / 6

4 / 6

5 / 6

6 / 6

1 / 6

Plani hetimor pritet të miratohet sot në Komisionin për Metën. Ai do të zgjasë deri më 8 tetor të viti 2019 dhe do të funksionojë në varësi të këtij plani:
1. Seancë dëgjimore me Presidentin Ilir Meta
2. Administrimi dhe shqyrtimi i informacioneve të marra nga ky Komision
3. Administrimi i raportit të Komisionit për Çështjet Ligjore, për administratën publike, për shqyrtimin e kërkesës së një grupi dokumentesh  për nisjen e procedurës për shkarkimin e presidentit Ilir Meta.
4. Administrimi i kërkesës së një grupi deputetësh për nisjen e procedurës për shkarkimin e presidentit Ilir Meta
5. Administrim dhe Shqyrtim i Opinionit të Komisionit të Venecias
6. Administrim i çdo dokumenti tjetër për të cilat Komisioni vihet në dijeni dhe i gjykon të arsyeshme t’i administrojë
7. Diskutim me gjetjet e Komisionit Hetimor sipas objektit të studimit
8. Përgatitja dhe miratimi i raportit përfundimtar
9. Paraqitja në Kuvend