Pas shkarkimit të 25 punonjësve me pretendimin se nuk plotësonin performancën, drejtori i Shërbimit Përmbarimor Gjyqësor Shtetëror Piro Lutaj ka reaguar për ‘News24’.
Piro tha se qëllimi i institucionit që ai drejton është që të sigurohet besimi tek qytetarët dhe të ofrohet shërbim me standarde. Ai tha mes të tjerash se punonjësit e Shërbimit Përmbarimor duhet të ofrojnë kapacitete dhe të plotësojnë performancën.
“Jemi te interesuar qe ne Shërbimin Përmbarimor Gjyqësor Shtetëror, te ofrohen kapacitete qe plotësojnë performancën dhe sigurojnë besimin e qytetareve. Kemi marre te gjitha masat qe Shërbimi Përmbarimor Shtetëror te ofroje një tjetër standard Shërbimi për qytetaret, përmes ekzekutimit te titujve ekzekutive. Është një detyrim ligjor, por edhe një kërkesë e vazhdueshme nga qytetaret, e shprehur kjo edhe gjate turit te llogaridhënies “Puna për Shqipërinë qe duam””, tha Lutaj.
