Sëmundjet kardiovaskulare dhe Covid kanë bërë që viti 2020 të jetë viti më shifrën më të lartë të vdekjeve në tre vitet e fundit.
“Afro 28 mijë persona kanë humbur jetën gjatë vitit 2020. Duke regjistruar një rritje me afro 26 % nga viti 2019, ku kanë humbur jetën 22 mijë persona”.
Nga 97 % të vdekjeve në Shqipëri, sëmundjet e “Aparati i qarkullimit të gjakut” zënë 52,2 % të tyre. Ky grup sëmundjesh vazhdon të jetë shkaku kryesor i vdekjeve, me një normë vdekshmërie prej 508 % për 100 mijë banorë. Sipas mjekëve nga viti në vit Shqipëria po shënon rritje të sëmundjeve kardiovaskulare.
“Sëmundjet kardiovaskulare janë në një nivel të lartë sepse për çdo vit të tilla kanë qenë. Gati 32 % të vdekshmërisë në rang global. Gjatë viteve të fundit është vënë re një rritje e vdekshmërisë kardiovaskulare. Kjo bazohet tek kufizshmëria e lëvizjes, karantini, moskryerja e vizitave në kohë. Mungesa e lëvizjes, mënyra e ushqyerjes dhe diabeti është shtuar shumë tek këta pacientë, përfshirë duhanpirjen dhe këto kanë krijuar këtë rritje si sëmundshmëri dhe vdekshmëri”.
“Referuar të dhënave të INSTAT, për shkak të Covid-19, numri i vdekjeve të shkaktuara nga “sëmundje të aparatit të frymëmarrjes”, është gati 4.5 herë më i lartë krahasuar me 2019”.
Rreth 8.9 % e vdekjeve gjithsej apo e thënë ndryshe 2454 persona kanë humbur jetën nga Covid dhe probleme të tjera të aparatit të frymëmarrjes. Në vitin 2019 në vend janë regjistruar 523 viktima nga këto sëmundje. Ndërsa këtë vit, 1/3 e vdekjeve kanë ndodhur për shkak të Covid-19.
