Rekord i ri infektimesh nga koronavirusi në SHBA. Më shumë se 120 mijë persona kanë rezultuar pozitiv me Covid-19 në 24 orët e fundit në një total prej më shumë se 9.6 milion rastesh dhe gati pothuajse 235 mijë të vdekur.
Në total në botë janë regjistruar deri tani 48.6 milion infektime dhe më shumë se 1.23 milion viktima. Në 24 orët e fundit në Rusi janë regjistruar rreth 20.582 raste të reja me Covid-19, numri më i lartë në vetëm një ditë që kur ka filluar pandemia.
Numri i të vdekurve në 24 orët e fundit është 378 viktima. Sipas të dhënave të publikuara nga qendra operative anti-koronavirus, në total në Rusi numërohen rreth 1.733.440 të infektuar dhe 29.887 persona të vdekur për shkak të Covid.
