Autoritetet shëndetësore në Kosovë, kanë përditësuar të dhënat sa i përket ecurisë së COVID-19 atje.
Sipas të dhënave zyrtare, në 24 orët e fundit, janë regjistruar si të infektuar 5 qytetarë.
Ndërsa fatmirësisht, në këtë interval kohorë nuk është regjistruar asnjë viktimë nga virusi.
Lajmi tjetër i mirë, është që gjatë 24 orëve të fundit, në territorin e Kosovës janë shpallur 184 të shëruar 184 qytetarë.
Njoftimi i plotë:
ASNJË RAST I VDEKJES, 5 RASTE POZITIVE DHE 184 TË SHËRUAR NGA COVID-19!
Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, si dhe laboratoret publike dhe private me metodën RAT, janë testuar gjithsej 2.007 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 5 raste pozitive.
Brenda 24 orëve nuk është raportuar asnjë rast i vdekjes me SARS CoV-2 pozitiv.
Numri total i rasteve pozitive është 107.410 raste nga 611.357 persona të dyshimtë në virusin SARS-CoV-2 dhe 2.243 raste të vdekjes.
Gjatë 24 orëve të fundit, janë shëruar 184 pacientë derisa numri i përgjithshëm i të shëruarve deri më sot është gjithsej 102.966 raste, kurse numri i rasteve aktive është 2.201.
Rastet pozitive janë nga komunat: Fushë-Kosovë, Gjilan, Mitrovicë, Obiliq dhe Prishtinë, secila me nga një rast.
Mbuloni gojën dhe hundën me maskë! Mbani higjienën! Respektoni distancën!
