Qindra familje kanë arritur të grumbullojnë pasuri gjigante, përmes themelimit të kompanive shumë të suksesshme, gjithnjë duke pasur vazhdimësi të menaxhimit të duhur të pasurisë ndër gjenerata.
Sipas një renditje të të dhënave të Bloomberg të botuara në Visual Capitalist, tre familje amerikane kryesojnë renditjen e 10 më të pasurve.
Dy të parat, Waltons dhe familja Mars – merren me mallra të konsumit, ndërsa Kochs që renditet e treta është më shumë një klan industrialist.
Pasuria e familjes Walton llogaritet në 215 miliardë dollarë, ndërsa familja Mars bëri një pasuri prej 120 miliardë dollarësh nga perandoria e tyre e markave të tilla si Milky Way, Snickers, M & M’s, Twix dhe Wrigley dhe çamçakëza.
Midis pronarëve të perandorisë së biznesit, familja Saudite Al Saud është përjashtim.
Familja mbretërore që sundon Arabinë Saudite është familja më e pasur e monarkëve në botë, kryesisht për shkak të rezervave të mëdha të naftës në vendin e tyre.
Familja Ambani, pronarë të konglomeratit Reliance Industries, renditet e pesta me një pasuri prej më shumë se 81 miliardë dollarë.
Ndërkohë mrkat luksoze franceze Hermès dhe Chanel gjithashtu vendosën pronarët e tyre në 10 të parat, ndërsa të pasurit e Gjermanisë e kanë bërë atë të madh me përpjekje të ndryshme.
Familja Boehringer / Von Baumbach që renditet e nënta drejton kompaninë farmaceutike Boehringer Ingelheim, ndërsa familja Albrecht, e dhjeta në listë, është e famshme për rrjetin e supermarketeve Aldi.
