Sipas të dhënave më të fundit të përpiluara nga AFP, koronavirusi ka vrarë të paktën 1 328 048 njerëz, që nga shpërthimi për herë të parë në Kinë, dhjetorin e kaluar.
Të paktën 55 022 350 raste janë regjistruar në total në gjithë botën, ku 35 235 100 tani konsiderohen të rikuperuara ose shëruara.
Autoritetet thonë se kjo shifër ndoshta reflekton vetëm një pjesë të numrit aktual të infeksioneve, pasi shumë vende po testojnë vetëm rastet simptomatike ose më të rënda, shkruan SHQIP.
Të hënën, 7 810 vdekje dhe 529,892 raste të reja u regjistruan në të gjithë botën, ku kryesonin Shtetet e Bashkuara me plot 1,008 vdekje, pasuar nga Franca me 506 dhe Italia me 504.
Shtetet e Bashkuara janë vendi më i prekur me 247 229 vdekje nga 11 206 054 raste.
Pas SHBA-së, vendet më të goditura janë Brazili me 166 014 vdekje dhe 5,876,464 raste, India me 130,519 vdekje dhe 8,874,290 raste, Meksika me 98,861 vdekje dhe 1,009,396 raste, si dhe Mbretëria e Bashkuar me 52,147 vdekje dhe 1,390,681 raste.
Vendi me numrin më të lartë të vdekjeve krahasuar me popullsinë, është Belgjika me 124 viktima për 100,000 banorë, pasuar nga Peruja me 107, Spanja me 88 dhe Argjentina me 79.
Kina – me përjashtim të Hong Kongut dhe Macau – deri më tani ka deklaruar 86,361 raste, përfshirë 4,634 vdekje .