I mbani mënd këto portrete? Janë fëmijë të Shqipërisë së korrikut 1990, të ngujuar në ambasadën gjermane në pritje për tu larguar nga Shqipëria komuniste. Erisi, Bledi, Danjela, Endri, Eduardi, Brunilda, Eljana, Ornela e Adriano, e të tjerë ishin fëmijë të mitur, nga 1 deri në 6 vjeç. Fotografitë e tyre ku shënohen edhe emrat janë publikuar një vit më parë nga studiuesi Kastriot Dervishi. Janë pjesë e grupit prej 5 mijë qytetarësh kryesisht nga Tirana që shpërhtyen ambasadat më 2 korrik 1990 me qëllim për të lënë atdheun e tyredrejt një jete më dinjitoze.
Fëmijët e ambasadave tani janë rritur dhe me siguri kanë ndërtuar jetën e tyre nëpër vendet e Bashkimit Evropian por Shqipëria është në të njëjtën situatë edhe pas 27 vitesh. Fëmijët dhe të rinjtë e Shqipërisë vazhdojnw ta braktisin atdheun e tyre.
