26-vjeçari Indrit Çelaj, nga Mallakastra i cili u plagos me plumb në kokë ditën e djeshme ka ndërruar jetë mëngjesin e sotëm në spitalin e Traumës në Tiranë. Në lidhje me këtë ngjarje janë shpallur në kërkim dy autorët e kësaj vrasje, Griseldo Kusi dhe Albano Kusi të cilët pas një sherri me Indrit Çelaj e kanë qëlluar me plumb në kokë duke i shkaktuar vdekjen në spital. Po ashtu policia ka arrestuar 4 persona mes tyre edhe pronari i vilës Bujar Kusi, ku i riu po punonte për të rregulluar kondicionimin, ndërsa ka shpallur në kërkim.
Të arrestuarit e tjerë janë Edmond Sula, 43 vjeç, i cili akuzohet për veprat penale “Vrasja me dashje” në bashkëpunim, “Prodhimi dhe mbajtja pa leje e armeve luftarake dhe e municionit” dhe “Përkrahja e autorit të krimit”, si dhe Ferdinand Bakalli e Luan Çaka të cilët akuzohen për veprat penale “Moskallëzimi i krimit” dhe “Veprime që pengojnë zbulimin e së vertetës”, pasi dyshohet se kanë qenë prezent ne momentin që ka ndodhur ngjarja dhe nuk kanë njoftuar policinw.
Për sa i përket 27-vjeçarit L.V i cili u arrestua ditën e djeshme autorët e ngjarjes me të cilin kishin lidhje shoqërore i kanë kërkuar që të merrte përsipër autorësinë e ngjarjes. Në këtë mënyrë ndaj 27-vjeçarit policia ka caktuar masën e sigurisë “Arrest në burg “, për veprat penale “Kundërshtim me dhunë i punonjësit të policisë së rendit publik”, “Prodhimi dhe mbajtja pa leje e armëve luftarke dhe municionit” dhe “Shkatërrimi i pronës”.
Ngjarja ka nisur për shkak të pretendimeve të dy vëllezërve të shpallur në kërkim, të cilët akuzonin viktimën për rrjedhjen e ujit të kondicionerit. Pasi kanë kryer vrasjen dy vëllezërit Griseldo dhe Albano Kusi duke njohur L.V i kanë kërkuar që të mbajë përsipër krimin. Por në momentin që është përballur me policinë, në hetuesi. 27-vjeçari ka rrëfyer të gjithë ngjarjen duke treguar se kush e kishte kryer krimin.
