Policia e Dibrës ka vijuar hetimet në lidhje me plagosjen e ndodhur gjatë natës në këtë qytet.
Sipas një njoftimi nga policia mësohet se është gjetur një automjet i braktisur, dhe besohet se është përdorur për tu larguar.
Njoftim i policisë
Vijojnë hetimet në mënyrë intensive për kapjen e shtetasit F.V, autori i dyshuar i ngjarjes së mbrëmshme datë 11.05.2018, ku u plagos me armë zjarri shtetasi A.M.
Përgjatë orëve të fundit nga Policia e Dibrës janë ushtruar kontrolle të imtësishme, për kapjen e autorit, grumbullimin e informacioneve, sekuestrimin e provave materiale dhe çdo provë tjetër që mund të ketë lidhje me këtë ngjarje.
Gjatë këtyre kontrolleve në fshatin Katund i Ri, bashkia Dibër, nga shërbimet e policisë është gjetur i braktisur automjeti tip “Peugeot”, i cili dyshohet se është përdorur nga autori.
Nën drejtimin e Drejtuesve të Policisë së Dibrës, vijojnë hetimet për zbardhjen dhe dokumentimin e plotë të ngjarjes.
Sherr me armë në Peshkopi, plagoset i riu. Policia identifikon autorin, por…
Plagosje me arme ne Peshkopi. Sipas te dhenave te para shtetasi 24-vjeçar me inicialet A.M. ka mbetur i plagosur rëndë me armë zjarri. Ai u dergua ne spital per te marre ndihmen e nevojshme mjekesore.
Nderkohe, policia mesohet se ka bere te mundut identifikimin e autoritte plagosjes, emri i të cilit nuk bëhet i ditur.
Mesohet se forca të shumta policie po krehin zonat ku dyshohet se mund te fshihet autori. Vijojne hetimet per zbardhjen e plote te ngjarjes.
“Po krihet zona për kapjen e tij, si dhe po hetohet intensivisht nëse ka persona të tjerë të përfshirë në këtë ngjarje. Grupi hetimor vijon hetimet për zbadhjen e shkaqeve të ngjarjes, si dhe po mblidhet dhe sekuestrohet çdo provë që mund të ketë lidhje me këtë ngjarje,”-thote policia.
Informacion paraprak
Më datë 11.05.2018, rreth orës 23:10, Policia e Dibrës ka marrë informacion se në qytetin e Peshkopisë, është plagosur me armë zjarri një shtetas me iniciale A.M, rreth 24 vjeç, banues në Peshkopi.
I dëmtuari është dërguar në spitalin e Peshkopisë në gjendje të rëndë.
Falë veprimeve të shpejta dhe profesionale të kryera nga ekspertë të policisë së Dibrës, është arritur të identifikohet autori i dyshuar i kësaj ngjarje, ku për shkak të hetimit nuk bëjmë me dije të dhënat e tij.
Po krihet zona për kapjen e tij, si dhe po hetohet intensivisht nëse ka persona të tjerë të përfshirë në këtë ngjarje.
Grupi hetimor vijon hetimet për zbardhjen e shkaqeve të ngjarjes, si dhe po mblidhet dhe sekuestrohet çdo provë që mund të ketë lidhje me këtë ngjarje.
