Nuk kanë fund ngjarjet e rënda në vendin tonë, ku këtë herë protagonistë janë adoleshentët dhe të rinjtë, të cilët për shkak të gjaknxehtësisë një sherr e kanë kthyer në tragjedi.
Së fundmi kanë ndodhur shumë raste ku adoleshentët nëpër shkolla janë zënë me njëri tjetrin ku lanë përdorur e mjete prerëse si thikat.
Por një krim tronditës ndodhi para dy netëve ku një 20 vjeçar me emrin Stiven Tashkesi, u vra me thikë nga dy 18-vjeçarët Enzi Maze dhe Axel Hoxhaj.
20-vjeçari punonte si montazhier pranë televizionit “Klan News”. Si pasojë e plagëve i riu humbi jetën rrugës për në spital.
Sherri mes të rinjve ka nisur për një vajzë, pasi dyshohet se një nga autorët i ka ngacmuar të dashurën viktimës. Pikërisht për këtë kishin bërë sherr edhe disa ditë më parë. Ndërsa para dy netësh e sherri degradoi në përdorimin e thikë duke shkaktuar edhe viktimë 20-vjeçarin.
Policia ka arrestuar një nga autorët Ensi Maze, ndërsa kanë shpallur në kërkim Axel Hoxhajn.
Thika është kthyer një nga “armët” më të rrezikshme të adoleshentëve ku për fat të keq tragjeditë më të mëdha mes tyre kanë ndodhur për faj të atij mjeti prerës dhe gjakënxehtësisë së tyre.
Ky nuk është i vetmi rast ku të rinjtë për shkak të një sherri banal me thika kanë marrë jetë, Alpenews.al ju risjell edhe disa raste të tjera.
Sherr me thika mes të rinjve në Fier, vritet 16-vjeçari
16-vjecari Dionis Vrenozi nga Hoxhara e Vjetër e Fierit, u godit me thikë dhe mbeti i vrarë. Ai u qëllua me thikë nga tre adoleshentë pas një sherri banal.
Ndërhyri në sherr për të mbrojtur të vëllain, 16-vjeçari vritet me thikë në zemër.
Aleksandër Petanaj 16-vjeç u vra me thikë pas një sherri, i cili hyri për të ndihmuar vllain e tij, por 15-vjeçari Gabriel Tartaraj e qëlloi me thikë në zemër. Ngjarja ka ndodhur 4 vite më parë në Pyllin e Sodës.
16-vjeçari në Durrës mbeti i vrarë, pas goditjes me thikë në zemër.
16-vjeçari Angjelo Gjakozi u vra me thikë në zemër katër vite më parë, nga një bashkëmoshatar i tiji. Adoleshenti u qëllua me thikë pas një sherri banal me atyre të dyve.
Alpenews.al