Pasditen e ditës së parë të këtij viti është regjistruar një incident në hyrje të një pallati në Tiranë.
Bëhet fjalë për rrugën Shyqyri Ishmi, ku rreth orës 16:15, një 35 vjeçar, K.Th. ka goditur me thikë komshiun e tij M.N. si dhe të atin e tij A.N., me sende të forta.
Të dy, babë e bir ndodhen në spital në kujdesin e mjekëve, ndërsa po vijon puna e policisë për kapjen e autorit.‘Më datë 01.01.2025, rreth orës 16:15, në rrugën “Shyqyri Ishmi”, gjatë një konflikti për motive të dobëta,në hyrje të pallatit ku banojnë, shtetasi K.Th, 34 vjeç, ka dëmtuar me një mjet prerës komshiun e tij, shtetasin M.N, dhe me sende të forta shtetasin A.N.
Shtetasit A.N dhe M.N(babë e bir), ndodhen në spital, nën kujdesin e mjekëve.
Shërbimet e Policisë vijojnë kontrollet me qëllimin kapjen e autorit’, njofton policia.
Ndërkohë vijon puna për zbardhjen e ngjarjes
