Një 31-vjeçar është plagosur me armë zjarri në Sarandë orët e para të kësaj të shtune. Sipas policisë lokale, i riu me iniciale A.R., banues në Konispol është transportuar në spital dhe ndodhet jashtë rrezikut për jetën.
Në një njoftim paraprak lidhur me ngjarjen, Policia bëri me dije se: Rreth orës 03:10, në lagjen “Nr.1”, jashtë ambienteve të një lokali është plagosur në shpatull me armë zjarri, (me një plumb rikoshetë) shtetasi A.R., 31 vjeç, banues në Konispol, (aktualisht jashtë rrezikut për jetën). Është sekuestruar në cilësinë e provës materiale 1 predhë fisheku pistolete dhe 1 automjet BMË i cili dyshohet se mund të jetë i autorit.
Për arsye hetimore nuk bëhen të ditura të dhëna të tjera, njofton policia, ndërsa një grup hetimor është ngritur dhe po punon për zbardhjen e plotë të rrethanave të ngjarjes dhe identifikimin e kapjen e autorit.
