Një shqiptar ka mbetur i plagosur pas përleshjes së një grupi të rinjsh. Ngjarja ka ndodhur pasditen e së dielës në Genova të Italisë.
Skena e përleshjes është parë nga disa kalimtarë të rastit të cilët kanë njoftuar policinë.
Menjëherë në vendin e ngjarjes mbërritën forcat e policisë dhe një ambulancë. Siç raportojnë mediat italianë ishin pesë ose gjashtë të rinj të cilët u përfshinë në këtë sherr. Ata u larguan të gjithë, ndërsa një i mitur shqiptar mbeti i plagosur duke u dërguar në spital.
Policia në Genova po punon për zbardhjen e incidentit.
