Ditët e fundit, në politikën shqiptare ka nisur një debat i ri, pas alarmit të dhënë nga Presidenti Ilir Meta se Ballkani do të tronditet nga një tërmet apokaliptik duke bërë atë që ka bërë vetëm Nostradamos deri më sot: Ka parashikuar tërmetet.
Referuar lëkundjeve të shumta në Korçë dhe Greqi, një pjesë i kanë dhënë të drejtë Presidentit Meta, ndërsa një pjesë tjetër thonë se ai ka dalë mbi shkencën, pasi tërmetet nuk mund të parashikohen.
Por, çfarë thoshte “profeti” francez Nostradamusi në parashikimet e tij për vitin 2019? Në fakt, në një artikull të publikuar pak muaj më parë nga gazeta turke “Sabah”, flitej për parashikimet e frikshme të Nostradamusit, në të cilat thuhej se në 2019 do të ketë tërmete të fuqishme, që do të trondisin Mesdheun, duke shënuar vdekje e tmerre.
“Në vitin 2019 do të ketë tërmete të fuqishme që do të trondisin Mesdheun, duke shënuar vdekje e tmerre”, ishte parashikimi i Nostradamusit.
Pyetja që ngrihet ironikisht në rrjetet sociale: A është Ilir Meta pasardhës i Nostradamusit?
