“Rrugëtimi në Shqipëri”, janë turet që Lulzim Basha ka vendosur ti zhvillojë që prej dy ditësh tani. Më shumë se vetë takimet, zhurma më e madhe është mediatike.
I ndodhur në një situatë të vështirë, kreu i demokratëve hoqi dorë njëherë e mire nga protestat duke kaluar nga njerezit në shesh tek sallat e vogla me 20 mbështetës.
E ndërkohë që ky i fundit ecën nga një qytet në nje tjetër dita ditës, për ti mbushur mendjen vetes dhe demokratëve se ai ende mund ta bëj këtë gjë, vihet re një stepje nga kryetarja e LSI, Monika Kryemadhi në aktivitetin politik.
Jo vetëm që nuk është në krahë të Bashës si aleatja më e fortë, por edhe partia që ajo drejton prej muajsh nuk ka mbështetur asnjë kauzë.
E nëse aksioni i opozitës së bashkuar është sot vetëm i Bashës, atëherë kemi të bëjmë me një krisje më të madhe nga ç’mendonim… /AlpeNEWS.al
