Genova po përjeton momente tepër të vështira, pas shembjes së urës Morandi, që deri më tani u ka marrë jetën 35 personave.
“Një projekt i shkëlqyer por i brishtë. Një kryevepër e inxhinierisë, e përfunduar në revista dhe tekste, por që nuk mori parasysh një element thelbësor, degradimin e materialit. Në klimën optimiste të viteve gjashtëdhjetë, të bumit ekonomik, çdo gjë dukej e mundshme për teknologjinë dhe kreativitetin italian. Kështu lindi ura ‘Morandi’ e Xhenovës, e bukur, një projekt i guximshëm, por e dëmtuar nga brenda, që kishte nevojë për mirëmbajtje të vazhdueshme dhe të shtrenjtë deri në rrëzimin e sotëm”, kështu janë shprehur ekspertët për urën Morandi, e cila sipas tyre duhet të ishte demontuar dhe rindërtuar duke përdorur çelik sepse shpenzimet e mirëmbajtjes ishin shumë të larta.
Profesor Antonio Brencich, profesor i asociuar në Xhenova, shpjegon se ura ishte dizajnuar në mënyrë të dobët, e cila kishte shpenzimet e mirëmbajtjes shumë të larta dhe se së shpejti do të ishte më mirë që të prishej dhe të rindërtohej.
Për inxhinierin Del Grosso ura do të ishte më e përshtatshme me një strukturë çeliku, por në atë kohë kishte shqetësim të madh për çelik në çështjet e qëndrueshmërisë, ndërsa industritë italiane kishte eksperiencë në ndërtimet prej betoni”, përfundon Del Grosso.
