Marjus Djerri, 22 vjeçari që humbi jetën nga tragjedia e shembjes së urës në Xhenova punonte si mirëmbajtës rrugësh, si dhe kishte luajtur disa herë në serinë C me një skuadër italiane.
I riu plot ëndrra kishte luajtur më parë si sulmues me skuadrën “Cornigliano Galaticos”.
Lajmin e konfirmon faqja italiane e “Calcio Liguria”.
Veçmas kësaj, Djerri mësohet se ka qenë në makinë bashkë një shtetas tjetër shqiptar, i cili u identifikua nga Policia italiane si Edi Bokrina.
Të menjëhershme kanë qenë edhe statuset e miqve të Djerrit i cili padyshim ka humbur jetën në moshë fare të re. Si dhe nëna e tij Valdetja, ka postuar një foto teksa shihet me të birin.
Komentet prekëse të miqve të saj dhe familjes ishin për ngushëllimet ndaj saj, dhe të familjes së tyre.
Shumë prej tyre shkruajnë:
Akoma nuk e besojmë. Bëhu e fortë për vajzën, djali qoftë i xhenetit.
Të menjëhershme kanë qenë reagimet ndaj të riut, i cili duket se donte të ishte një futbollist në karrierë sepse kishte tentuar disa herë të luante me skuadrat italiane të grupit C.
/ALPENews.al
