Kryetari i Partisë Demokratike, Lulzim Basha të hënën në mbrëmje gjatë një interviste për ‘Tv Zjarr’, transmetuar në rrjetet sociale, ka folur në lidhje me shembjen e pallatit në Vlorë, për të cilën Gjykata e Strasburgut vendosi që shteti shqiptar duhet të paguajë mbi 13 milionë euro dëmshpërblim për pronarët.
Basha deklaroi se Strasburgu është një vendim që dënon një akt arbitrar të Ramës, një vendim që dëmshpërblen qytetarët, njëri prej të cilëve është edhe vjehrri i tij.
Mirëpo, ai tha se Rama nuk e dëgjoi dhe ndërtesa u shemb.
Sipas tij, në kohën kur Gjykata e Lartë nuk veproi, pronarët u drejtuan në Strasburg.
“Intersant është fakti që Rama pasi e kreu aktin e ligjshëm nuk pagoi as vendimin për shpërblim, bëri një kompensim sa për sy e faqe”,-u shpreh Basha.
Më tej, kryedemokrati theksoi se disa nga banorët e pallatit atë banesë e kanë pasur shtëpi të parë dhe disa të tjerë kanë qenë aksionerë si vjehrri i tij.
“Përdorimi i ushtarëve të Ramës në sistemin e drejtësisë, ishte dhe një nga arsyet e vendimit të Gjykatës së Strasburgut”,- deklaroi ai.
/opinion
