Presidenti amerikan, Donald Trump deklaroi se nëse Turqia nuk lironte pastorin kristian, Andrew Brunson, ajo do të përballej me sanksione.
”Është një kristian i devotshëm dhe një njeri human, i cili po vuan shumë. Ky njeri i pafajshëm duhet të lihet i lirë menjëherë”, theksoi Trump në Twitter.
Pastori Andrew Brunson u arrestua pas grushtit të shtetit të vitit 2016 kundër presidentit turk, Recep Tayyip Erdogan.
Ai u la në arrest shtëpie, por mbi të rëndojnë akuza për terrorizëm dhe spiunazh, akuza të cilat ai i ka mohuar kategorikisht.
