Walter Carr, një student në universitetin e Alabamës edhe pse iu prish makina në ditën e parë të punës, ai nuk hoqi dorë por shkoi në këmbë duke përshkuar 32 kilometra.
Ai u ngrit që në mesnatë për të arritur në orën tetë të mëngjesit në një tjetër qytet dhe arriti fiks në kohë në ditën e tij të parë të punës. Gjatë rrugës ai u ndihmua nga një polic i cili i ofroi mëngjesin shkruan Repubblica.it.
Sapo mori vesh këtë histori të mrekullueshme të studentit, drejtori i kompanisë ku punonte i riu Walter Carr, shkoi në shtëpinë e tij në Alabama. Ai i dhuron çelësat e makinë së tij tip Ford Escape dhe i thotë se ajo makinë i hyn më shumë në punë Walter-it së sa atij.
“Kjo është makina ime, tani dua që të jetë e jotja. Ajo është më shumë e dobishme në duart e tua së sa të miat”- i thotë ai djalit të ri të emocionuar.