Shtetet e Bashkuara nuk do të dërgojnë ushtarë për të luftuar në Ukrainë, tha Shtëpia e Bardhë sot, një ditë pas deklaratave të presidentit francez Emmanuel Macron, i cili nuk e përjashtoi këtë mundësi në terma afatgjatë.
“Presidenti Biden ka qenë i qartë se Shtetet e Bashkuara nuk do të dërgojnë trupa për të luftuar në Ukrainë ,” tha zëdhënësja e Këshillit të Sigurisë Kombëtare Adrienne Ëatson, duke shtuar se Biden beson se “fitorja” kërkon ndihmën ushtarake të bllokuar aktualisht nga Kongresi.
Reagimi i Shtëpisë së Bardhë vjen pas qëndrimeve të prera nga shtete të tjera të NATO-s si Gjermania apo Italia, liderët e të cilëve duke qenë në të njëjtën linjë u shprehën se nuk do të ketë ushtarë apo trupa nga vendet e NATO-s në Ukrainë.s
Po ashtu Kremlini ka reaguar pas deklaratës së Macron duke thënë se nëse ky skenar do të realizohej do të përkthehej në luftë me aleancën.
