Më shumë se 700 fëmijë migrantësh, të hyrë ilegalisht në SHBA me prindërit e tyre, vazhdojnë të jenë të ndarë nga familjet e tyre, ndërkohë që afatet e vendosura nga drejtësia amerikane për bashkimin e tyre kanë kaluar.
Një gjykatës federal i Kalifornisë kishte urdhëruar që të gjitha familjet “e zgjedhura” të bashkoheshin para orës 18:00 (22:00 GMT).
Janë konsideruar si të “zgjedhura” rastet kur lidhjet familjare kanë qenë të përcaktuara mirë, kur prindërit nuk kanë pasur precedentë kriminalë apo sëmundje ngjitëse dhe kur nuk kanë hequr dorë nga ribashkimi.
Por, në përfundim të afatit, 711 fëmijë “të papërzgjedhur” ishin ende në Zyrën e Rilokalizimit të Refugjatëve (ORR), që varet nga Ministria e Shëndetësisë dhe shërbimet sociale dhe që ka në ngarkim fëmijë.
Nga 2 551 të ndara, me fëmijë pesë deri 17 vjec, 1 442 janë bashkuar”, sipas statistikave zyrtare të publikuara në dokumentet e drejtësisë.
