Ambasadorja amerikanë Yuri Kim thekson se pas krijimit të Gjykatës Kushtetuese janë shqyrtuar 100 çështje dhe janë marrë 25 vendime.
Në një postim në rrjetet sociale, diplomatja amerikane paralajmëron se çështje edhe më të vështira po vijnë.
“Pas 3 vitesh e paralizimi, Gjykata Kushtetuese u bë funksionale në dhjetor të vitit 2020. Deri më tani, Gjykata Kushtetuese ka shqyrtuar 100 çështje dhe ka marrë 25 vendime.
Rastet e vështira po vijnë. Reforma në Drejtësi është e vërtetë. SHBA do të jetë me ju, derisa sistemi i drejtësisë të jetë plotësisht funksional”, shkruan ambasadorja Kim.