Për herë të parë pas katër vitesh rajoni lindor i SHBA, goditet nga një stuhi bore.
Sipas autoriteteve stuhia parashikohet të shtrihet nga Karolina në Maine.
Ndërkohë pesë shtete kanë shpallur emergjencën. Guvernatorët e Nju Jorkut, Nju Xhersit, Marylandit, Rhode Island dhe Virxhinias shpallën gjendje të jashtëzakonshme, duke u thënë banorëve të mos lëvizin rrugëve për sigurinë e tyre.
Kryebashkiaku i Boston Michelle Wu është shprehur se kjo mund të jetë një nga stuhitë më të forta. Gjithashtu ekspertët e motit paralajmërojnë përmbytje pranë bregdetit.
Mbi 5,000 fluturime në SHBA janë anuluar. Ekspertët thonë se për shkak të stuhisë mund të ketë një rënie të shpejtë të presionit atmosferik.
Shërbimi Kombëtar i Motit po ashtu paralajmëroi kufizim të lëvizjeve duke i bërë thirrje qytetarëve që të udhëtojnë vetëm në raste emergjente.
