Mesut Ozil është lënë jashtë për ndeshjen e Arsenal ndaj West Ham, e cila përfundoi 3-1 në favor të Topçinjve, pas një sherri me trajnerin Unai Emery në stërvitje.
Gjermani nuk është grumbulluar nga trajneri i tij për ndeshjen e së shtunës. Në fillim është thënë se ai ishte i sëmurë, por tani kanë dalë në skenë raporte të tjerë.
Sipas ESPN, Ozil ka debatuar ashpër me trajnerin Emery përpara se të largohej nga qendra stërvitore ditën e premte.
Ai thuhet të ketë dalë nga fusha stërvitore duke bërtitur me të madhe.
Ka qenë vetë Emery ai që ka bërë Ozil një nga pesë kapitenët e ekipit, por ka shtuar se ai duhet të jetë i aftë të përballojë kritikat.
